Гаранская кухня

З пляцоўкі Wikibooks
Jump to navigation Jump to search

Гаранская кухня — нацыянальная кухня гаранскага народа (Балканскі паўвостраў).

Гаранцы лічыліся найлепшымі кандытарамі і пекарамі былой Югаславіі.

"Нацыянальны" свойскі алкагольны напой гаранцаў — ракія, якая звычайна выраблялася старымі людзьмі. Для яго прыгатавання неабходныя ферментаваная садавіна (слівы, вінаград, персікі, абрыкосы, яблыкі, грушы, чарэшні, інжыр, айва і інш.). Асноўнае адрозненне ад гарэлкі - вытрымка ў дубовых бочках, што ўласціва для брэндзі (каньяка). Іншы папулярны напой — турэцкая кава, якую п'юць з малых чарак і запіваюць шклянкай вады.

Паколькі гаранцы — мусульмане, адпаведна ўся іхняя кухня халяльная.

Гаранскі боршч[правіць]

Складнікі: капуста, бульба, буракі, памідоры, морква, бараніна, цыбуля, спецыі (часнок, лаўровае лісце, соль, перац)

Час прыгатавання складае каля 2 гадзін.

Зварыць бараніну. Калі мяса зварыцца, дадаць капусту і бульбу. Калі зварыцца капуста, дадаць буракі, моркву, памідоры, цыбулю, пасаліць і папярчыць на свой густ. Перад тым як дадаваць буракі, ачысціць іх і зварыць, а цыбулю, нарэзаную паўкольцамі і цёртую моркву — пасмажыць. Напрыканцы варкі дадаць часнок і зялёную цыбулю. Падаваць са смятанай ці без яе.