Рэцэпт:Рагалікі

Рэцэпт:Рагалікі
Час:	2 гадзіны
Складанасць:

<-Кулінарная кніга

Рагалікі -- адна з форм венскіх булачак.

Інгрэдыенты

Для цеста:

• 400 г пшанічнай мукі,
• 20 г дражджэй,
• 1 сталовая лыжка цукровай пудры,
• 1 яечны жаўток,
• 100 г цэльнага малака,
• 150 г сметанковага масла,
• крыху солі.

Для начынкі:

• 180 г абрыкосавага павідла,
• 50 г ядра грэцкага арэха.

Прыгатаванне

1. З азначаных прадуктаў (сметанковага масла ўзяць 20 г) замясіць цеста сярэдняй кансістэнцыі. Пасыпаць яго мукой і паставіць, каб падышло, на 60 хвілін.
2. Потым раскачаць прамавугольны пласт, палажыць на яго сярэдзіну астатняе сметанковае масла, загарнуць край і раскачаць качалкай некалькі разоў.
3. Нарэшце разрэзаць на 16 аднолькавых квадратаў. На сярэдзіну кожнага квадрата пакласці па чайнай лыжцы павідла, згарнуць у рагалікі і палажыць на змазаную маслам бляху.
4. Даць пастаяць у цёплым месцы 30 хвілін. Змазаць яйкамі, пасыпаць арэхамі і пячы.