Рэцэпт:Марынаваныя грыбы

Рэцэпт:Марынаваныя грыбы
Катэгорыя:	кансервы
Энергетычная каштоўнасць:	~24 ккал/100 г
Час:	1,5-2 гадзіны
Складанасць:
Артыкул у Вікіпедыі Выявы на Вікісховішчы

<-Кулінарная кніга

Марынаваныя грыбы -- гэта грыбныя кансервы, прыгатаваныя метадам марынавання.

Інгрэдыенты

• 1 кілаграм грыбоў,
• 2 шклянкі вады.
• 1 шклянка воцату,
• 1-2 чайныя лыжкі цукру,
• 3-4 гарошыны духмянага перцу,
• 1-2 гваздзікі,
• трохі карыцы.

Прыгатаванне

1. Марынуюць грыбы -- дробныя і крэпкія -- белыя, падасінавікі, падбярозавікі, рыжыкі, маслякі, апенькі і іншыя.
2. Абабраць грыбы як след, прамыць і адрэзаць у кожнага ножку. Вельмі маленькія грыбкі пакінуць такімі, як ёсць.
3. Шляпкі пакласці ў гарачую салёную ваду і пракіпяціць. Потым паўгатовыя грыбы адкінуць на рэшата і абмыць халоднай вадой.
4. Потым прыгатаваць марынад, даць марынаду закіпець і пакласці ў яго грыбы. Варыць грыбы на працягу гадзіны, потым астудзіць.
5. Замарынаваныя грыбы перакласці разам з марынадам у шкляныя банкі, заліць зверху алеем і закаркаваць пласмасавымі крышкамі.