Рэцэпт:Марынаваныя агуркі

У гэтага паняцця есць і іншыя значэнні, гл. Агуркі (значэнні).

Рэцэпт:Марынаваныя агуркі
Катэгорыя:	Кансервы
Час:	паўгадзіны
Складанасць:

<-Кулінарная кніга

Марынаваныя агуркі - адзін з відаў кансерваў з агуркоў.

Інгрэдыенты

• 0,9 кг агуркоў,
• 2 зубка часнака,
• 3 гарошыны перца,
• 3 гвадзікі,
• 2 лаўровых ліста,
• 15 г духмянай зеляніны,
• 50 г солі,
• 25 г цукру,
• 100 г воцату,
• 1 л вады.

Прыгатаванне

1. Адабраць роўныя, аднолькавыя паводле памеру агуркі, прамыць пад струменем вады, зрэзаць канцы. У літровы слоік на дно пакласці перац, часнок, гваздзік, лаўровы ліст і духмяную зеляніну. Зелянінаю пералажыць і слаі агуркоў. Агуркі ў слоікі неабходна пакласці вертыкальна.
2. Асобна прыгатаваць заліўку (з вады, солі і цукру. У заліўку, якая закіпела, уліць воцат. Гэтым марынадам адразу ж заліць агуркі, накрыць слоікі крышкамі і стэрылізаваць 8-10 хвілін. Пры праграванні ўважліва сачыць за зменай колеру агуркоў: як толькі ярка-зялёны перайшоў у аліўкавы, зняць слоікі з агню, неадкладна закаркаваць і астудзіць.

Спасылкі

На Вікісховішчы таксама ёсць медыяфайлы па тэме Рэцэпт:Марынаваныя агуркі

• Fluffy76. Удачный рецепт маринванных огурцов. 05 ліпеня 2010. Littleone