Перайсці да зместу

Рэцэпт:Гуфі Гіскарбінка

З пляцоўкі Вікікнігі

<-Кулінарная кніга

Гуфі Гіскарбінка Гэты рэцэпт вельмі спадабаецца фанатам The Sims 3.

Інгрэдыенты[правіць]

  • 500 г макарон,
  • 400 г бекону,
  • 2 вялікія цыбуліны (ці 6 маленькіх, цыбулі павінна быць шмат),
  • 3 яйкі,
  • 200 г сыру пармезан,
  • Соль, спецыі;
  • пару зубчыкаў часнаку,
  • алей для смажання.

Прыгатаванне[правіць]

  1. Падрыхтоўка. Нарэзаць бекон, надраць сыр, наліць ваду для макарон і паставіць на агонь, наліць алей ў патэльню і паставіць на агонь, абабраць і нарэзаць цыбулю.
  2. Начынка. Падсмажыць цыбулю на гарачым алеі да залацістага колеру, важна не перасмажыць. Калі цыбуля падсмажыцца, дадайце бекон, і падсмажце начынку, памешваючы, каб цыбуля не згарэла. Ступень смажання выбірайце на густ, паменш — будзе пяшчотней і тлусцей, памацней – будзе сушэй і больш хрусткай. Не забудзьце засыпаць макароны, калі вада ўскіпела.
  3. Соус. У той час макароны павінны ўжо варыцца. Яйкі ўбіць у міску, дадаць соль і травы, часнок, перамяшаць, дадаць сыр і старанна перамяшаць.
  4. Да гэтага моманту макароны павінны амаль зварыцца. Зліць з іх ваду, калі яны будуць гатовы, дадаць у каструльку з яшчэ гарачымі макаронамі сырны соус і бекон, хутка перамяшаць, пакуль сыр не растварыцца і соус раўнамерна не пакрые макароны.

Спасылкі[правіць]