Малдаўская кухня

З пляцоўкі Вікікнігі
Jump to navigation Jump to search

Малдаўская кухня — нацыянальная кухня Малдовы.

У Малдавіі гатуюць суўлакі, плэчынты ды вертуты, якія прыйшлі з Грэцыі. Лічыцца, што гэтыя стравы былі перанятыя малдаванамі яшчэ ў часы існаваньня шляху «з вараг у грэкі», які праходзіў праз тэрыторыю Малдавіі. З турэцкай кухні перанятыя гівеч, мусака, суп чорба ды інш. Мамалыга - кукурузная каша, якая таксама вядомая ў грузінскай кухні пад назвай гомі. Саму кукурузу пачалі вырошчваць у Малдавіі толькі напрыканцы XVII стагоддзя як паўсядзённы прадукт для жабракоў. Зараз кукуруза - аснова любога малдаўскага пачастунку. Яе дадаюць у супы, гарнір, вараць і пякуць, вырабляюць слодычы. Таксама характэрная рыса малдаўскай кухні - спажыванне брынзы. Вялікую ролю ў малдаўскай кухні адыгрывае гародніна. Яе спажываюць як гарнір ды як самастойную страву. Найчасцей гародніну вараць, пякуць, фаршыруюць, тушаць ды соляць, радзей - смажаць. Улюбёнымі і спецыфічнымі для Малдавіі з’яўляюцца зернавая і зялёная (стручковая) фасоль, чачавіца, памідоры, гагашары, салодкі перац, баклажаны ды кабачкі.

Бабовыя часта спажываюць у выглядзе пюрэ, узбітыя з цыбуляй і раслінным алеем. Іншую гародніну, асабліва перац, баклажаны, гагашары, як правіла, фаршыруюць зноў такі гароднінай ці рысам з гароднінай і мясам. Вельмі часта гародніну спажываюць з соусамі, марынадамі і іншымі запраўкамі, згатаванымі з віна, смятаны, вострай гародніны і вострай зеляніны. З рознай гародніны, тушанай на малым агні з раслінным і жывёльным алеем і вострымі прыправамі, гатуюць разнастайныя рагу з гародніны - гівечы і мусакі, якія маюць прыемны крыху салодкі смак.

Асноўныя стравы[правіць]

  • Мамалыга

Мамалыга гатуецца на вялікім агні ў вялікім казане. Пакуль у казане закіпае вада, трэба ўзяць мукі і падзяліць яе на тры часткі. Калі вада закіпіць, паступова дадаць першую частку мукм. Пры гэтым трэба мяшаць, каб не ўтвараліся камочкі. Потым дадаць астатнюю муку. Адначасова смажацца шкваркі з сьвіных рэбрышак, нарэзаныя вельмі дробна. Потым смажыцца яечня. Да мамалыгі ставяць салёныя вострыя памідоры.

Крыніцы[правіць]

  • Молдавская кухня / Главный редактор А. Баграмян. - М.: «Директ-Медиа», 2011. - С. 5-7. - (Кухни народов мира).
  • Похлебкин В. В. Национальные кухни наших народов (Основные кулинарные направления, их история и особенности. Рецептура). - М.: Пищевая пром-сть, 1981. - С. 102.