Італьянская кухня
Італьянская кухня — нацыянальная кухня Італіі. Італьянская кухня — адна з самых старажытных і папулярных у Еўропе. Яна больш старажытная за французскую і французская шмат у чым грунтуецца на італьянскай.
Свайго росквіту італьянская кухня дасягнула ў часы Старажытнага Рыма. Тады было звычайным двухразовае харчаванне. Абед зваўся вялікім прыёмам ежы. Ён дзяліўся на закуску, уласна вылікі прыём ежы і начны пір, у які нярэдка перарастаў абед. Менавіта ў Старажытным Рыме ўпершыню сталі гатаваць салаты. У Старажытным Рыме з'явіўся першы ў Італіі зборнік кулінарных рэцэптаў, які прыпісваюць Чэлія Арэчыя, аракулу кухараў Рыма.
Асноўныя стравы
[правіць]- піца
- макароны
Піца па-вясковаму
[правіць]Для цеста: 300 г бульбы, 300 г мукі, 50 г сметанковага масла ці маргарыну, 2 ст. лыжкі цёртага сыру, 1 сырое яйка, 20 г дражджэй, ½ стакана таплёнага малака, соль, чорны молаты перац.
Для начынкі: 50 г варанай каўбасы, 50 г вяндліны, 3 плаўленых сырка, 50 г сыру, 3 ст. лыжкі цёртага сыру, 2 сырых яйкі, 1 шклянка малака, соль,чорны молаты перац.
Зварыць бульбу ў скуры, ачысціць яе, размяць на стале ці дошцы, добра перамяшаць з мукой. У цэнтры зрабіць лунку, уліць яйка, распушчанае сметанковае масла ці маргарын, пасыпаць цёртым сырам, соллю, перцам, уліць дрожджы, разбаўленыя цёплым малаком. Замясіць мяккае цеста, пакрыць яго рушніком і паставіць у цёплае месца на 2 г. Потым раскатаць на стале ці дошцы, пакласці на патэльню радыусам 24—26 см, вышынёй 5 см, змазаную сметанковым маслам, так, каб пакрыць дно і сценкі патэльні. У міску пакласці дробна нарэзаныя каўбасу, вяндліну, сыркі, сыр, цёрты сыр, заліць яйкамі і малаком, пасаліць, папярчыць і добра ўзбіць. Начынку выкласці на цеста, закрыць яго па краях, паставіць у гарачую духоўку на 40—50 хв. Падаваць у гарачым выглядзе.
Спагеці пад соусам з тунца
[правіць]400 г спагеці, 140 г тунца ў раслінным алеі, 80 г сметанковага масла і маргарына, 1 зубчык таўчонага часнаку, 1 чайная лыжка дробна нарэзаных каперсаў, 450 г ачышчаных памідораў, ⅓ чайнай лыжкі анчоусавага алею ці таўчоных анчоўсаў, зеляніна пятрушкі, соль, чорны молаты перац.
Адварыць спагеці ў падсоленай вадзе, працэдзіць, прамыць. У сметанковым масле ці маргарыне абсмажыць часнок, дадаць каперсы, памідоры, прапушчаныя праз мясарубку, і 100 г гарачай вады. Пакінуць на вагні да загусцення, пакласці анчоўсавы алей ці таўчоныя анчоўсы, дробна нарэзаны тунец і зеляніну пятрушкі, пасаліць, папярчыць, перамяшаць і давесці да гатоўнасці. Соусам паліць спагеці.
Літаратура
[правіць]- Коток В. А. Итальянская кухня. — М.: Колос, 1994. — 447 с.