Visual Basic

Visual Basic (скарочана VB) — працэдурная мова высокага ўзроўню.

Гісторыя

Першапачаткова BASIC была абрэвіятурай Beginner’s All-purpose Symbolic Instruction Code (па-беларуску „універсальны код сімвалічных канструкцый для пачаткоўцаў“). Visual Basic распрацаваны карпарацыяй Microsoft у 1991 годзе для пашырэння магчымасцей мовы Basic даданнем аб’ектаў і праграміравання на аснове падзей з кнопкамі, меню ды іншымі элементамі графічнага інтэрфейса карыстальніка (англ. graphic user interface — GUI). У версію VB3 (1993) дададзены рухавік баз звестак, якая дазваляла працаваць з базамі звестак Access. Версія Visual Basic 4.0 была першай, якая магла ствараць 32-бітныя праграмы, пры гэтым захоўвалася магчымасць рабіць 16-бітныя праграмы. У VB4 таксама была дададзеная магчымасць пісаць класы. У версіі 5.0 (1997) была магчымасць ствараць толькі 32-бітныя праграмы. Але код быў сумяшчальны з версіяй, таму можа было імпартаваць праграму ў старую версію і скампіляваць у ёй 16-бітную праграму. Апошняя версія Visual Basic 6.0 выйшла ў 1998 годзе. У ёй з’явілася магчымасць ствараць праграмы для інтэрнэта з дапамогай Internet Explorer. У 2002 годзе з’явілася сучасная версія — Visual Basic .NET (VB.NET), істотна іншая мова, заснаваная на C# — мове, якая падобная на C++.

Існуюць дыялекты VB — Visual Basic Script (VBScript), Visual Basic for Applications (VBA), прызначаная для аўтаматызацыі задач і выкарыстанне макрасаў у праграмах пакета Microsoft Office пачынаючы з 1997 году ды шэрагу іншых пакетаў.

Праграма Hello World!

выдасць акно, паказанае справа:

Вынік працы праграмы

Public Sub Main()
    MsgBox("Hallo Welt!")
End Sub

Як стварыць простую праграму ў Visual Basic:

• Запусціце VB.
• З’явіцца акно New Project. Выберыце Standard.exe і націсніце Open.
• Адкрыйце меню Project у VB і націсніце Add Module
• Скапіруйце ці набярыце падпраграму Main, паказаную вышэй, у код новага модуля
• Яшчэ раз адкрыйце меню Project і націсніце на пункт Project1 Properties (гэта апошні пункт меню)
• У дыялогавым вакне Project Properties знайдзіце спіс з назвай Startup Object, націсніце на яго і выберыце Sub Main
• Перайдзіце ў меню Run ды націсніце Start (ці націсніце F5), каб запусціць праграму. VB можа запытацца, ці хочаце вы захаваць праграму. На гэты раз адмоўцеся

Пагадненні пра назвы ў Visual Basic

• Пачынайце кожнае слова з вялікай літары, напрыклад FindLastRecord ці RedrawMyForm.
• Пачынайце імёны функцый і метадаў з дзеяслова, як у InitNameArray ці CloseDialog.
• Пачынайце імёны класаў, структур, модуляў з назоўніка, напрыклад EmployeeName ці CarAccessory.

Крыніцы

На Вікісховішчы таксама ёсць медыяфайлы па тэме Visual Basic