Славацкая кухня

Славацкая кухня — нацыянальныя кулінарныя традыцыі Славакіі. Яны крыху адрозніваюцца ў розных частках Славакіі. Славацкая кухня паўплывала на кухні суседніх краін (чэскую і венгерскую) гэтаксама як і яны паўплывалі на яе. Пачатак традыцыйнай славацкай кухні можна аднесці да часоў, калі большасць насельніцтва было сельскім і вяло натуральную гаспадарку. Тады завоз і экспарт ежы амаль адсутнічаў і не было сучасных спосабаў захавання і гатавання ежы.

Гэта паспрыяла з'яўленню кухні, якая моцна залежала ад некалькіх асноўных прадуктаў харчавання. Яны павінны былі захоўвацца напрацягу гарачага лета і халоднай зімы. Гэта пшаніца, бульба, малако і малочныя прадукты, квашаная капуста і цыбуля. Менш характэрнымі былі ялавічына, птушка, ягняціна, мяса казы, некалькі мясцовых відаў гародніны, садавіны і грыбоў.

Звычайна самі сем'і ўсё гэта вырошчвалі і гатавалі, хоць нешта і набывалася на вясковых рынках. Рабілі пшанічную муку, з якой пяклі хлеб, гатавалі пяльмені і локшыну. Бульбу найчасцей варылі ці перапрацоўвалі ў бульбяное цеста. З малака атрымлівалі мноства прадуктаў — масла, вяршкі, смятану, пахту, разнастайныя сыры і інш.

Звычайныя прадукты з свініны — каўбаса, вэнджаны бекон і сала. Спецыі шырока не выкарыстоўваліся, у якасці алея выкарыстоўвалі жывёльны тлушч і масла. Да асноўных напояў адносіліся свежае і кіслае малако, а таксама піва. На сучасную славацкую кухню моцна паўплывалі розныя кухні свету. У ёй выкарыстоўваецца мноства розных інгрыдыентаў, спецый і паўфабрыкатаў.

Стравы славацкай кухні

• Галушкі
  • Брынзавыя галушкі: з авечага сыру
  • Капусныя галушкі