Вікікнігі:Пра Вікікнігі

З пляцоўкі Вікікнігі

Вікі-кнігі — свабодная калекцыя электронных кніг, падручнікаў і дапаможнікаў, якія ствараюцца сумесна добраахвотнікамі. Праект Вікі-кнігі заснаваны на тэхналогіі вікі. Гэта азначае, кожны наведвальнік можа рэдагаваць любую старонку вікі-кніг. Дастаткова проста націснуць «рэдагаваць».

Зараз у калекцыі маюцца 127 кніг.

Змест усіх вікі-кніг з’яўляецца даступным па ліцэнзіі Creative Commons Attribution-ShareAlike (BY-SA). Некаторыя раннія Вікі-кнігі былі цалкам арыгінальнымі, іншыя ствараліся шляхам капіравання тэксту з іншых выточных падручнікаў, якія можна знайсці ў Інтэрнэце. Уклады застаюцца інтэлектуальнай уласнасцю іх стваральнікаў, пры гэтым ліцэнзія copyleft дазваляе ўсё свабодна капіраваць і распаўсюджваць, выкарыстоўваць для любых мэт, у тым ліку камерцыйных.

Першы раздзел Вікі-кніг на англійскай мове быў створаны ў ліпені 2003 года Фондам Вікімедыя пасля прапановы ўдзельніка Karl Wick. Ягоная ідэя заключалася ў тым, каб стварыць свабодныя падручнікі, напрыклад, прысвечаныя арганічнай хіміі і фізіцы, для пашырэння адукацыі чалавецтва і зніжэння кошту і іншых абмежаванняў высокаякасных навучальных матэрыялаў. Першапачаткова праект меў назву Wikimedia Free Textbook Project (Праект свабодных падручнікаў Вікімедыя), ці скарочана Wikimedia-Textbooks (Вікімедыя-падручнікі). 21 ліпеня 2004 года былі ўтвораныя раздзелы Вікі-кніг на розных мовах. Вікі-кнігі з’яўляюцца працягам вікіпедыі. У адрозненне ад праекту «Вікікрыніцы» (be.wikisource.org), ў Вікі-кнігах размяшчаюцца арыгінальныя кнігі, якія не былі апублікаваныя раней. «Вікі-кнігі» інтэграваныя з астатнімі праектамі Фонду Вікімедыя. У «Вікі-кнігах» можна выкарыстоўваць файлы, загружаныя на Вікісховішча. У сваю чаргу, з астатніх праектаў можна рабіць спасылкі на старонкі ў «Вікі-кнігах» ([[b:старонка|тэкст спасылкі]], ці з іншамоўных праектаў [[b:be:старонка|тэкст спасылкі]]).

Чым не з’яўляюцца Вікікнігі[правіць]

  • Вікікнігі — гэта не энцыклапедыя.
  • Вікікнігі — гэта не слоўнік.
  • Вікікнігі — гэта не бібліятэка кніг, якія ўжо былі апублікаваныя.

Карысныя спасылкі[правіць]