Буракі

З пляцоўкі Вікікнігі
Сырыя буракі з бацвіннем

Буракі (лац. Beta L.) — расліны роду буракі. Шырока распаўсюджаная гародніна, кармавая і цукровая культура. У прыватных гаспадарках вырошчваюцца пераважна буракі звычайныя (лац. Beta vulgaris L.). Існуюць два культурных віда буракоў. Формула кветкі — *P5A5G(2..3)[1]. Здаўна вырошчваецца ў Еўропе. У 18 стагоддзі ў выніку селекцыі з'явіліся цукровыя буракі. Маса сталовых буракоў складае ад 0,2 да 0,3 кілаграм. Карняплод можа мець ад кругла-плоской формы да авальна-цыліндрычнай. Карняплод багаты бялком (да 3%), клятчаткай, мінеральнымі салямі, вітамінамі. Засяваюць буракі ўвесну і ўвосень, стужачным ці шыракарадным засевам, збіраюць перад прымаразкамі. Пашыраныя па ўсёй тэрыторыі Беларусі. У свеце буракоў больш за ўсё вырошчваюць Расія, Украіна і Польша. Кармавыя буракі дасягаюць 12 кілаграм[2].

Чырвоныя буракі выкарыстоўваюцца як самастойная страва — спачатку варацца цалкам або нарэзаныя кавалкамі, потым крышацца ў салат, які запраўляецца маянэзам ці смятанай. Добра спалучаюцца з бульбай. Зрэдку могуць выступаць у ролі асноўнай стравы. Прынята есці з хлебам. Буракі - аснова чырвонага баршчу. У якасці аднаго са складнікаў дадаюцца ў вінегрэт. З буракоў робяць квас. Таксама кансервуюцца. Бацвінне буракоў дадаецца ў марынады.

Крыніцы[правіць]

  1. Андреева И. И., Родман Л. С. Ботаника. — 3-е изд., перераб. и доп. — М.: Колос, 2005. — С. 399. — 528 с. — ISBN 5-9532-0114-1.
  2. Шевченко Ю. П. СВЁКЛА // Большая российская энциклопедия. Электронная версия (2017); https://bigenc.ru/agriculture/text/3539727 Дата обращения: 24.04.2018
Wikipedia
Wikipedia
Вікіпедыя таксама мае матэрыялы па гэтай тэме: