Windows
Windows (па-беларуску «вокны») — аперацыйная сістэма для IBM-сумяшчальных камп’ютараў, распрацаваная амерыканскай карпарацыяй Microsoft. Такая назва звязана з тым, што калісьці камп’ютары карысталіся толькі інтэрфейсам каманднага радка. Паводле звестак на лістапад 2025 году доля настольных камп’ютараў, на якіх усталяваная Windows, складала 70%[1]. Першая версія Windows 1.0 выйшла ў 1980-я і не атрымала шырокага распаўсюджвання. Версія Windows 3.0, выпушчаная 22 мая 1990 года, атрымала прывычны для сённяшніх карыстальнікаў графічны інтэрфейс і сапраўды шырока выкарыстоўвалася. У 1995 годзе выйшла Windows 95, якая стала прарывам для карпарацыі. Гэтая версія была першай самастойнай сістэмай, якая не залежала ад MS DOS. Пасля выпуску Windows 95 шмат камп’ютарных запчастак сталі выпускацца адмыслова для Windows. Паводле стану на 22 снежня 2025 года апошняя версія Windows 11.
Змяняць большасць наладак у Windows можна праз панэль кіравання. Каб яе выклікаць, трэба націснуць на клавіятуры спачатку клавішу Win, потым не адпускаючы яе, клавішу R. Павінна з’явіцца вакно запуску каманд. У гэтым вакне трэба ўвесці з клавіятуры слова control. Потым або націcнуць клавішу Enter, або націснуць на кнопку OK у вакне.
