Wikibooks:Асабістая прастора

З пляцоўкі Wikibooks
Jump to navigation Jump to search

Асабістая прастора - адмысловы тып старонак у праектах Вікімедыі. Ён прызначаны для размяшчэння інфармацыі пра удзельнікаў праектаў і для наладжвання індывідуальных параметраў праекта, якія маюць моц толькі для пэўнага ўдзельніка. Да асабістай прасторы адносяць падстаронкі, якія маюць імя кшталту [[Удзельнік:Імя удзельніка/Імя падстаронкі]]. У адрозненне ад асноўнай прасторы, старонкі асабістай прасторы не ўлічваюцца пры падліку колькасці артыкулаў у праекце. Але яны ўлічваюцца пры падліку агульнай колькасці старонак, што, напрыклад, уплывае на значэнне глыбіні вікіпедыі на пэўнай мове.

Старонка удзельніка[правіць]

Прыклад старонкі ўдзельніка

Старонка удзельніка - асноўная ў асабістай прасторы і яе звычайна можна пабачыць, калі націснуць на сваё імя ў самым версе старонкі. Старонка удзельніка прызначаная, у першую чаргу, для размяшчэння інфармацыі пра ўдзельніка. Але з-за таго, што яна лёгка даступная, на ёй можна размяшчаць патрэбныя шаблоны ці спасылкі.

Інфармацыя пра валоданне мовамі[правіць]

Старонка ўдзельніка асабістай прасторы дазваляе размясціць інфармацыю пра мовы, якімі валодае ўдзельнік. Для гэтага прызначаны механізм "вавілонская вежа". Каб пазначыць, якімі мовамі Вы валодаеце, неабходна на сваю старонку дадаць адпаведны тэкст, напрыклад {{Babel|pt}}. Фігурныя дужкі {{}} абазначаюць, што тэкст паміж імі з'яўляецца шаблонам, прычым тэкст "Babel" да першага сімвала "|" - гэта назва шаблона, а пасля пазначаныя коды валодання пэўнай мовай. У прыведзеным прыкладзе pt абазначае валоданне партугальскай мовай як роднай. Калі Вы валодаеце некалькімі мовамі, можна пазначыць іх праз сімвал |, напрыклад {{Babel|pt|es|en}}. Калі Вы вывучалі мову і не ведаеце яе як родную, можна пазначыць узровень валодання гэтай мовай нумарам, 1 - на пачатковым узроўні, 2 - на сярэднім узроўні, 3- на добрым узроўні. Напрыклад, калі Вы ведаеце анельскую мову на пачатковым узроўні, вы можаце дадаць наступны шаблён на сваю старонку: {{Babel|en-1}}. Альтэрнатыўным метадам з'яўляецца выкарыстанне асобных шаблонаў для кожнай мовы, напрыклад для беларускай {{User be}}. Шаблон {{Babel}} сам выкарыстоўвае шаблоны кшталту {{User код мовы}}, але дазваляе зручна пазначыць веданне некалькіх моў.

Юзербоксы[правіць]

Праекты Вікімедыі - у першую чаргу акадэмічныя і не з'яўляюцца сацыяльнымі сеткамі. Але для камунікацыі паміж удзельнікамі можна пазначаць дадатковую інфармацыю на сваёй асабістай прасторы. Для гэтага прызначаныя юзербоксы (ад ангельскага "user"+"box", літаральна "удзельнік"+"скрыня"). Карыснай інфармацыяй з'яўляецца інфармацыя пра адукацыю, якая дазваляе звяртацца да ўдзельніка пры наяўнасці пытанняў у адпаведнай галіне ведаў.

Інфармацыя пра удзел у іншых праектах Вікімедыі[правіць]

На староку удзельніка можна дадаць спасылку на свае старонкі ўдзельніка на іншых мовах ці іншых праектах Вікімедыі (напрыклад, на старонку ў Вікіпедыі). У старонках асноўнай прасторы для гэтага служыць адмысловая база wikidata, але для старонак асабістай прасторы яна не выкарыстоўваецца. Таму для размяшчэння спасылкі на старонку удзельніка, напрыклад, у ангельскіх Вікі-кнігах, неабходна дадаць наступны тэкст: [[en:User:Імя удзельніка]]. Каб зрабіць спасылку на старонку ў іншым праекце, трэба дадаць код праекту перад адрасам ("w" для вікіпедыі, "s" для вікікрыніц, "q" для вікіцытат і "wikt" для вікіслоўніка). Праекты Wikimedia Commons, MetaWiki і некалькі іншых працуюць адразу на некалькіх мовах, таму для дадання спасылкі на сваю старонку ўдзельніка ў іх трэба дадаць код "commons" і "meta" адпаведнаю

Ананімнасць[правіць]

У праектах Вікімедыі няма абавязковага правіла, каб на старонцы ўдзельніка было пазначана ягонае імя. Больш за тое, рэгістрацыя акаўнту дазваляе схаваць IP-адрас, з якога далучаны ўдзельнік. Каб старонка асабістай прасторы не індэксавалася пошукавымі ботамі (Google, Yandex i да т. п.), можна дадаць на старонку магічнае слова __NOINDEX__ (разам з сімваламі падкрэслівання). Дазваляецца загрузка файлу са сваёй уласнай фатаграфіяй на Wikimedia Commons з ўмовай дазволу вольнага распаўсюджвання (ліцэнзіі Creative Commons і падобныя). Гэты файл можна выкарыстаць на сваёй старонцы ўдзельніка, дадаўшы ў яе тэкст [[Файл:Імя файла.jpg|міні]], дзе "Імя файла.jpg" - імя файла з фатаграфіяй.

Ветлівасць і павага да іншых удзельнікаў[правіць]

Праекты Вікімедыі не з'яўляюцца трыбунай для распаўсюджвання экстымісцкіх поглядаў і заклікаў да распальвання міжнацыянальнай варожасці. У сувязі з гэтым на старонцы ўдзельніка не дапускаецца размяшчэнне адпаведных тэкстаў, а пры іх зъяўленні яны будуць выдаляцца без папярэджання. Адначасова з гэтым не пажадана рэдагаваць старонкі асабістай прасторы іншых удзельнікаў. Калі такія дзеянні накіраваныя на прыніжэнне і абразу іншых удзельнікаў, яны будуць расцэньвацца як вандалізм.

Наладжванне індывідуальных параметраў праекта[правіць]

У асабістай прасторы можна выкарыстоўваць наступныя адрасы для параметраў:

  • Удзельнік:Імя удзельніка/common.js (Уласны JS)
  • Удзельнік:Імя удзельніка/common.css (Уласны CSS)
  • Удзельнік:Імя удзельніка/vector.css
  • Удзельнік:Імя удзельніка/vector.js
  • Удзельнік:Імя удзельніка/monobook.js
  • Удзельнік:Імя удзельніка/monobook.css
  • Удзельнік:Імя удзельніка/modern.css
  • Удзельнік:Імя удзельніка/modern.js
  • Удзельнік:Імя удзельніка/cologneblue.css
  • Удзельнік:Імя удзельніка/cologneblue.js
  • Удзельнік:Імя удзельніка/self.js
  • Удзельнік:Імя удзельніка/frame.css

Старонкі, імя якіх заканчваецца на .js - гэта скрыпты на мове JavaScript, якія дазваляюць выкарыстоўваць гэтую мову для пашырэння магчымасцей карыстання праектам. Старонкі з канчаткам .css - гэта так званыя каскадныя спісы стыляў, якія дазваляюць выкарыстоўваць індывідуальныя варыянты паказу шрыфтоў.

Пясочніца[правіць]

Для стварэння старонак, якія яшчэ не скончаныя, у асабістай прасторы можа стварацца "пясочніца" - старонка, на якой можна праводзіць тэставанне здольнасцей вікі-кніг, працаваць над новай кнігай. Пасля заканчэння працы старонку можна перанесці ў асноўную прастору назваў.

Карысныя спасылкі[правіць]

  • Wikibooks:About - агульнае апісанне праекту Беларускія Вікі-кнігі