Рэцэпт:Качупа

<-Кулінарная кніга

Качупа

Катэгорыя:

Патраўкі

Порцый:

8

Час:

5 гадзінаў

Выявы
на Вікісховішчы

Качу́па (па-кабавэрдзку: Katxupa) — нацыянальная страва каба-вэрдыйскай кухні.

Складнікі

Саланіна;
сала;
каўбаса;
сухая кукуруза;
чырвоная фасоля;
белая фасоля;
сачавіца;
касава (альбо батат, кабачок, морква ці іншыя кораньплоды);
лісьцевая капуста (агародная, кале ці белакачанная);
часнык;
цыбуля-рэпка;
папрыка;
перац;
ляўравы ліст;
соль.

Прыгатаваньне

Мяса і сала нацерці прыправамі і пакінуць на ноч у адной місе. Бабовыя заліць вадой і таксама пакінуць на ноч.

Кораньплод нарэзаць колцамі і кожнае падзяліць на чатыры часткі. Мяса і сала абсмажыць у рондалі (ці глыбокай патэльні) з спэцыямі да карычневага колеру. Дадаць таматную пасту і булён.

Кукурузу прамыць у праточнай вадзе, дадаць у рондаль і заліць вадой. Тушыць на павольным агні адну гадзіну. Тады дадаць сачавіцу і чырвоную фасолю і пакінуць яшчэ на гадзіну. Закласьці белую фасолю, кораньплоды і зеляніну. Патушыць яшчэ 45 хвілінаў.

Укласьці каўбасу і чакаць яшчэ 30 хвілінаў. Дадаць спэцыі на смак. Выключыўшы агонь, даць страве дайсьці яшчэ 20—30 хвілінаў. Выніковая страва мусіць мець канцэнтрацыю густога супу.

Падаваць гарачай. Рэшткі на наступны дзень абсмажваюць.

Парады

Кожныя паўгадзіны перамешваць страву да дна, каб ежа не прыгарала. Калі падчас варкі вада надта выкіпае, можна даліваць толькі гарачую ваду.

Вонкавыя спасылкі

Качупа: традыцыйная страва Каба-Вэрдэ (анг.) // Crumb-Snatched