Рэцэпт:Капсалён
| Рэцэпт:Капсалён | |
|---|---|
_01_(cropped).jpg) | |
| Катэгорыя: | Фаст-фуд |
| Складанасць: | 
|
Капсалён — страва нідэрляндзкай кухні, якая складаецца з смажанай бульбы, шавэрмы, сыру і сьвежай гародніны. Высокакалярыйная ежа хуткага харчаваньня, альтэрнатыўная другім стравам.
Складнікі
[правіць]- 8—9 бульбінаў
- 3 кавалкі курыных грудак
- 2—3 лыжкі прыправы для кебабу/гірасу
- 150—180 г жоўтага сыру
- 1 качан пэкінскай капусты
- 1 чырвоная цыбуліна
- 1 зялёны агурок
- 2—3 памідоры
- 200 г натуральнага ёгурту
- 3 лыжкі маянэзу
- часнык
- соль
- перац
Прыгатаваньне
[правіць]Вымыць і высушыць мясо, пакраіць кубікамі. Пасыпаць прыправай для гірасу і паставіць у лядоўню на прыкладна 30 хвілінаў. Тады дастаць і пасмажыць на разагрэтай патэльні зь невялікай колькасьцю алею.
Бульбу абабраць і нарэзаць тонкімі палоскамі. Пасмажыць у фрытурніцы на разагрэтым алеі (можна запекчы ў духоўцы).
Капусту дробна нашаткаваць. Цыбулю, гуркі, памідоры пакраіць. Перамяшаць у місе ўсю гародніну.
Ёгурт злучыць з маянэзам, дадаць адціснуты часнык. Заправіць сольлю і перцам.
Выкласьці смажаную бульбу на бляху ці ў алюмінавую форму. Зьверху раўнамерна выкласьці смажанае мяса. Пасыпаць усё таркаваным сырам. Запякаць у нагрэтай да 190° духоўцы, пакуль не расплавіцца сыр. Тады засыпаць усё гароднінай і паліць часныковым соўсам.
Падаваць гарачым.